skip to main |
skip to sidebar
تعليم اللغة القبطية
بحث وتجميع وكتابة
الشماس/ بشارة شوقى بشارة
الذين ماتوا صلبا على خشبة الصليب
عددهم + 28 +
مللك عاى + + + + + + + + + + + + ( يش 8 : 29 )
ملوك الامريين الخمسة + + + + + + + + ( يش 10 : 26 )
أبنا شاول وخمسة أبناء ميكال + + + + ( 2 صم 21 : 8 - 9 )
بغثان وترشا خصيان أحشويرش الملك + ( أس 2 : 21 - 23 )
هامان + + + + + + + + + + + + + + +( أس 7 : 10 )
أولاد هامان العشرة + + + + + + + + + ( أس 9 : 14 )
اللصان اللذين صلبا مع الرب يسوع + + + + +( مت 27 : 28 )
يعني ايه بابا
• يعني تفتكر وانت صغير اما كنت تنام علي الكنبه ويجي باليل يشيلك يوديك أوضتك
• يعني يدخل عليك باليل وانت نايم عشان يطمن اذا كنت متغطي كويس ولا يغطيك
• يعني تصح باليل وتبقي مكسل تقوم من مكانك .. فتنادي عليه وتقوله بابا عايز أشرب
• يعني تقوله عايز اطلع رحله مع أصحابي .. يقولك مينفعش .. تقوم تزعل .. يجي وراك بعدها بشويه ويبوس راسك ويقولك خلاص ولا تزعل
• يعني اما تخرج معاه .. تمشي معاه متعلق في ايده زي ما كنت بتمشي وانت صغيره
• يعني تفتكر اما كنت صغنتوت لسه وكان شايلك علي كتفه .. والدنيا عماله تمطر عليكم
•
يعني تبقي قاعد في البرد رجلك متجله وتيجي تقعد جنبه وتحط رجلك علي رجله
عشان يدفيهالك .. وهو يهزر ويقولك امك ثم امك ..يلا روح عند ماما
• يعني أما يبقي عندك فار في البيت تتلموا كلكم في أوضه .. وتسيبوه هو لوحده مع الفار لحد ما يموته
• يعني أما تبقي عريس تلاقيه قاعد بيتكلم عنك وفخور بيك ويحسسك ان مفيش حد في الدنيا عنده ابن زيك
• يعني أما تزعله وتشد معاه في الكلام .. وتروح بعدها تقوله بابا أنا اسف .. يقولك حبيبي أنا عمري ما ازعل منك
• يعني يوم جوازك .. تشوفه في وسط فرحته بيكي دموع مقدرش يمنعها عشان خلاص مش هتبقي معاهم في البيت
• يعني يوم اما يعرف أن مراتك حامل وانك هتجيب نونو يبقي فرحان أكتر منك ذات نفسك
• يعني ساعة ولادته تلاقيه واقف بره هيتجنن وعمال يدعي ويصلي ربنا يقوم مراتك بالسلامه
• يعني يبقي فرحان بابنك أو ببنتك وسايب اللي وراه ورايح جاي يلعب معاه
• يعني الحنان والحب والامان
• يعني ربنا يخليهم لينا ويحفظهم ويقدرنا علي برهم
