كلمات ترنيمة إمسك يا رب إيدي
القرار - امسك يارب إيدي زي بطرس زمان لما قرب يغرق مسكت إيديه بحنان
ورفعته وسط الموج وإيديته سلام وأمان وأنا زيه ياربي امسك إيدي كمان
1 - الموج علي عالي يخطف قلبي مني والريح يارب شديدة وخايف نفسي تخوني
والمركب طالع نازل وصخور بتحطمني قول للموج يهدى في صدرك احضني
2 - ادخل يارب سفينتي املك حياتي تمام واطرد مني الخوف داوي كل الآلام
واسكن جوه قلبي واملئه بالسلام أبداً ما تسيبني لوحدي أمشي وسط الأيام
3 - إيماني يارب ضعيف شددني في الإيمان وإن يوم أنا شكيت فيك أو تهت في أي مكان
دا إنت ياربي أبويا قلبك كله حنان رجعني تاني ليك أعيش طول الزمان
4 - وفي الأبدية ياربي أتمنى أكون معاك جهزلي هناك مكان علشان أكون وياك
مهما كانت ضعفاتي مالي يارب سواك إنت تستر علي وتفرحني برؤياك
