شريط البابا فى قلبى - بولس ملاك

الاثنين, مارس 07, 2016 |

شريط البابا فى قلبى - بولس ملاك






إتفضل وإرجع بينا

**القرار**

إتفضل وإرجع بينا إحكي يازمان وإشجينا
دا حبيبنا البابا كيرلس ويّا شيفعنا مارمينا

1- دا كتير بالروح اتقابلوا وفي حضن يسوع اتوجودا
خليني يابابا كـيرلس ويا مارميـنا أكـون بينكم

2- ياما رب المجد جمعهم وانا كنت كتير بسمعهم
تسبيح وصلاه بخشوع على اسم إلهنا يسوع

3- كان بينهم كل محبــه كان بينهم داله قويـه
ياما عملوا آيات وعجايب شوفت بعضها بعينيا

4- وقت الضيق وقت الأحزان أطلبوا وبكل إيمان
بالاسم إطلبوا شفاعتهم شوفوا قوة صلـواتهم

اتفضل وارجع بينا.mp3

http://www.4shared.com/mp3/WOD3rt5Ace/___online.html
أذكر حنانك

1- أذكر حنانك ياقديس ياقوي فلو أميل تأتي إليا تُرجعني

**القرار**

يابابا كيرلس من سواك يشفعُلي ياراعٍ أمين يرعاني ويُشبعني

2- يعجز لساني عن وصفك يابستان ملآن فضائل منظرها يُمتعني
3- إن كنت في هم شديد وجيتك تأتي إليا بالمعونه وتُسمعني
4- أطلب لأجلي فا صلواتك طاهره أبعد أبليس ولا تجعله يخُدعني
اذكر حنانك.mp3

http://www.4shared.com/mp3/uW6SjQ2iba/__online.html
ربي فاكرني
1-ربي فاكرني وقلبي ناسيك شايل همي وماشكلي على أيديا
والعــالم بكل مافيه زايـــل مش باقي غير الأبدية
* القرار *

ياللي عشت في البرية تتعبد ليســوع فرحــان في السما عايزك تطلب ليا يابابا كيرلس أتوب الآن

2– مع غيري دايما باتسابق وأجاهد في حيـاتي أفوز بخطية
صليلي أنسى الزمن السابق يا زاهد ياللي أفكارك سمائية

3 - خاطي في الباطن والظاهر عاصي والرب يسوع عالم بيا
وأنتا يابابا كيرلس طـاهر نـاسي العالم ومتعة الوقتية

4 – ياللي لمجد العالم بايـع بيخدعني إبليس ويغميلي عينيا
طريقي يابابا كيرلس ضايع رجعني لطريقي وخد بايديا
ربي فاكرنى.mp3

http://www.4shared.com/mp3/z7BXOXNace/__online.html
علشان سيبنا الأله

1- علشان سيبنا الأله نور حياتنا بينطفي علشان لسه خطاه شمسنا بتختفي
والموت بقى بيجــري ورانـا وبرده ناسيين الحسـاب
والمسيـح اللي فدانـا قفلنا في وشـه كـل بـاب

**القرار**

أطلب عنا تملي يابابا للمسيح نتوب ونـرجع
دي صلاتك مستجابه صلي شمسنا ترجع تطلع

2- لو حد عايز من حد حاجه تكلمه بكل إحترام
ولما ياخد كل حاجه يبخل عليـه حتى بالسلام
ليه لبسنا كفـن الخطيه ليه بنـرفض القيامـه
مركبنا تايه والريح قويه وبعدنا عن شط السلامه


3- ايه حصـل وايه جرالنـا إحنـا إتغيرنا ليه
ليسوع كنا بنعطي مالنا وبنرميه قدام رجليه
وبيقنا نبخل بالعشور والفقير قاسيين عليـه
ولو بنعطي مش بسرور وبنموت على الجنيه


4- نسينا كل كلام الخالق ومش بنغفر للمخلوق
على أي شيء تافه نتخانق وقلبنا بشره مخنوق
من غير يسوع حياه مفيش من غير يسوع إزاي نعيش
ليه كل همنا في الأيام دي هو بس رغيف العيش


5- بنقول كلام جميل ونوعظ وإحنا عايشين في الذنوب
إزاي باسم الفادي نكرز وإحنا مش عايزين نتوب
إمتى من تاني نتوب قبل ما الأيام تفوت
إمتى نرجع للمصلوب قبل ما نركب قطر الموت
علشان سبنا الاله.mp3

http://www.4shared.com/mp3/xRp6V9zcba/___online.html
علم قلوبنا

1- علم قلوبنا طريق الخلاص أسند شبابنا في عمر الشباب
أملي حياتنا حب وحماس لحب القداسه في زمن الصعاب
**القرار**
يابابا كيرلس انت مثالنا مثال الطهاره لكل العصـور
أشفع في شعبك صلي عشانا صلاتك يابابا زي البخور

2- درب قلوبنا تعيش الحياه في طهر ووداعه زيك تمام
وترفع صلاتنا لأعظـم إله مهما تزيد علينا الآلام

3- زمن الطهاره صعب نلاقيه وصعب تعيش قلوبنا عفيفه
أدخل بيوتنا وبارك حياتنا وشجع يابابا نفوسنا الضعيفه
علم قلوبنا.mp3

http://www.4shared.com/mp3/JPKclbC5ce/__online.html
في الطاحونه في المغاره

1- في الطاحونه في المغاره في أي مكان بتصلي
رجل الصلاه رجل الطهاره علّي صليبك علّي

**القرار**

أهتف يلااا ونادي قول ليسوع الفادي
أنت راعيا وأغلى ماليا دا حبك في فؤادي

2- سهرت الليـل تقرا الأنجيل تطلب يسوع وتقوله
أنا ابنك انا ملكك وها عيــشلك عمري كله

3- أشوف صورتك أسمع سيرتك بأشعر بإطمئنان
بشوف الخير في وجه منيركله حب وحنان
4- جاتلك وحوش هديت ماهجوش تحت رجليك سجدوا
أما الشيـاطين هربــوا خايفين بتـواضعك أتحرقوا
فى الطاحونة.mp3

http://www.4shared.com/mp3/-dwa7CB1ba/__online.html
قلبي بيحبك انت

**القرار**

قلبي بيحبك انت بتصلي لقلبي لو تــاه
بتصليلي يابابا كيرلس بترجعني لحضن الله
1- قلبي الحيران بيدوق المُروالعمر قليل عمال بيُمر
لكن لما تصلي عشاني أرجع لإلهي وبنسى الشر

2- صلي لإلهي يسامحني يجي ويفرد ضهري المحني
تعبان وصلاتك تداويني وحروف اسمك بتريحني

3- أنت ياربي أهلي وناسي لكن ليك انا دايما ناسي
صلي عشاني يابابا كيرلس صليلي أتوب مبقاش ناسي
قلبى بيحبك.mp3

http://www.4shared.com/mp3/_2KS7JwLce/__online.html
كان في السما

**القرار**

كان في السما أفراح وشموع يوم سفرك للرب يسوع
سيبت الأرض وكل تعبها في حضن الأب أصل الينبوع

1- وقت نياحتك يابابا كيرلس كان عيد لينا وعهد مقدس
نحفظ سيرتك ونرددها وبصوت عالي وقلب بيهمس

2- كنت مدبر كل أمورك قبل رحيلك قبل غروبك
غابت شمس حياتك هنا لكن فجرك عند يسوع


3- لينا تركت ميراث وكنوز شعبك ينده لما يعوز
تشفع ليه وتبارك فيه نفسي في يوم بشفاعتك أفوز
كان فى السماء.mp3

http://www.4shared.com/mp3/oPb3Vkzsce/___online.html
كل حروف أسمك فيها بركه

**القرار**

كل حروف أسمك فيها بركه تحكي حياه طاهره ومباركه
تكشف عن صفه عايشه فيك بينك بينها في حياة شركه

1- ك كاشف أسرار أولادك تعرف مشاكلهم في صلاتك
قبل مايحكوا عنها تقولها متشبه دايماً بإلهك

2- ي يُنبع رحمه وحنان تشفي تداوي مريض تعبان
تتحن عـ الخاطي تهديه يلقى معاك النعمه طوفان

3- ر راحه مابين أيديك تعطي المحتاج لما يجيك
تتحل المشكله في ثواني والرب بيتمجد بيك
4- ل لمسة أيدك بتبارك بركه عظيمه الشعب أخدها
وفي أحزانهم انمت تشارك وتعزيهم وتبددها
5- س ساكن بالروح ويّانا رغم نياحتك لسه معانا
تيجي تزرونا طيف في صلاتنا وبيسرتك عايش جوانا
كل حروف اسمك.mp3

http://www.4shared.com/mp3/cSEykzb5ba/___online.html
لينا أتنين في السما عايشين

** القرار**

لينا أتنين في السما عايشين صلاتهم لينا كل حين
بابا كيرلـس حبيب قلبي ومارميـنا العجـايبي
1- زي ما كان مارمينا صابر كله إيمان وسط العذابات
نتعلم في حيـاتنا نجـاهد مهـما قابلنا الآلامـات

2- هكذا كان البابا تملي رامي حموله على الحنان
لازم لمـا الضيقه تجيلنا نصبر برده بكل إيمان

3- وبشفاعتهم راح نتحمل كل صعاب وألام ومشاكل
علشـان نتحدى ونكمـل كل طريقنـا لحد الآخر
لينا اثنين فى السماء.mp3

http://www.4shared.com/mp3/0ZKi3CD0ce/___.html
مرت عليا أتعاب الحياة

1- مرت عليا كل أتعاب الحياة وبسيفها قد مزقتني
وتحطمت كل قوارب النجاه زادت همومي وأغرقتني
وشربت كـاس المر حتى منتهاه ومتاعبي قد أرهقتني

** القرار **
بابا كيرلس أنا هــنا .. أنت تعـرف
أنا ... أنا.. عبد فقير رنم لإسمك فأغتنى

2- قلبي وحيداً باكياً منذ صباه ودنيتي قد أتعبتني
عشت شريداً تائهاً عن الآله وخطيئتي قد دنستني
وكأنني بحر وهجرته المياه أحببت الناس فجرحتني

3- الرب سندي وملجأي ولا سواه يمينه قد أمسكتني
أرشد فؤادي بعد أن ضل وتـاه.. أحزان قلبي فارقتني
فتكلم القلب وصمتت الشفـاه.. ووصايا ربي أبهجتني

مرت علي.mp3

http://www.4shared.com/mp3/LGau0vGdce/__online.html
نفسي لو تمدح فيك

* القرار *

نفسي لو تمدح فيك ولا شيء بيسكتها
ابواب الشر يا بابا كيرلس سكتها
وماتهتش أبداً نفسك عرفت سكتها
صلي لنا نصلي ودل نفوسنا وثبتنا

1- ياللي صلاتك بتنجي وللأحزان بتحوش
عشت لوحدك في الصحراء ولا همكش وحوش
وعشان ربك جواك الخوف ده ما تعرفهوش
واللي معاه رب الدنيا .. الدنيا ما تهزمهوش

2 - علمني أشهد زيك بإيماني و أعمالي
وأوهب روحي وعمري وقلبي ومالي
دا أنا الغير الفادي مين يحقق لي أمالي
مالي حياتي ماهو أبويا الغالي

3 - نفسي بتخلص مدحك وانا اقولها عيدي
دا أنا يوم لما أمدح فيك يا أبويا دا يوم عيدي
أسمك محفور على قلبي وحبك في وريدي
وأنت يابابا كيرلس دايما ماسك أيدي

نفسي لو تمدح فيك.mp3

http://www.4shared.com/mp3/HmlTdFwxba/___.html
وانا طالب

**القرار**

وانا طالب من صغري بصلي وأتشفع بالبابا كيرلس
صورته معايا في جيبي تملي في إمتحاناتي هو بيُحرس

1- لو تاهت إجاباتي مني أو كان في سؤال كان صعب عليا
ألقــاه بيجي يقـرب مني ويطمـني شويـه شويـه

2- يرشم نفسي قوام بصليب يتملي قلبي بسرعه إيمان
أصل سلام الرب عجيب ألقى الراحه ونور وأماني

3- بابا كيرلس أنا جربته في مُـذاكرتي دايماً ويـايـا
سامع صوته وشايف صورته حاسس أيده تملي معايا
وانا طالب.mp3

http://www.4shared.com/mp3/3QgYOSNWba/__online.html
يابابا كيرلس ياراعي الخراف

**القرار**

يابابا كيرلس ياراعي الخراف وإحنا في حضنك لايمكن نخاف
ياللي عايش بينا في كل العصور لما تصلي ظلامنا بيتحول لنور

1-القداسات في كل يوم بترفعها دايماً للرب الحنـــون
والصلوات بتمحي الهموم يابابا كيرلس والصعاب تهون

2- راهب حكيم بعت العالم كله أختارت الإله وإختيارك سليم
والرب الرحيم دايماً تقوله مين في الحياه زيك أنت عظيم

3- في كلامك صادق وسيف الحق شايله يابابا كيرلس شهدت لفاديك
قلبي ياغارف في حبه وفضايله لايمكن تفارق صورة البابا عينيك

4- ضايع أمالنا وحوالينا ديابه وقلوبنا تايه منها السلام
صلي عشانا دا شعبك غلابه يابابا كيرلس يانبع الحنان
يا بابا كيرلس يا راعى الخراف.mp3

http://www.4shared.com/mp3/x8BRxawSba/_____.html



مهما حكينا.mp3

http://www.4shared.com/mp3/w2d-_TAgce/__online.html


يا بابا كيرلس زى الأرض الناشفه.mp3

http://www.4shared.com/mp3/Y52lehUxba/_____.html









مرسلة بواسطة Unknown

0 التعليقات:

إرسال تعليق

سلام ونعمه

الاشتراك في: تعليقات الرسالة (Atom)
يتم التشغيل بواسطة Blogger.