جيت ليه يارب ؟
جيت ليه يارب ؟
ياتري جيت عشاني ؟
طب أنا لسة الخطية مموتاني !
و في طريقك واقف لسة في مكاني !
و قلبي لسة في حبه أناني !
...
جيت ليه يارب ؟
جيت عشان بتحبني ؟
و انا اللي بسأل مين حبني !
و انا اللي بقول للشيطان شدني !
جيت ليه يارب ؟
جيت عشان تغفرلي ؟
طب أنا لسة الخطية في قلبي !
اقول هاصلي يمكن تسامحني!
و دقيقتين صلاة معاك و اجري !
جيت ليه يارب ؟
جيت عشان أنا ابنك ؟
طب أنا لسة بقول للخطية بحبك !
و الخطية ترد ماتقلقش أنا جنبك !
جيت ليه يارب ؟
جيت عشان عايزني أعيش معاك ؟
دة انا لما باقعد دقيقتين وياك
بقولك زهقت باي بقي و سلامات !
و إنت الوحيد اللي عشاني مات !
0 التعليقات:
إرسال تعليق
سلام ونعمه