كنا زمان مسيحيين
كلمات رمزى بشاره
ألحان مينا روزفلت
حمل
كنا زمان مسيحيين.mp3
http://www.4shared.com/audio/Z0c-Rj1s/___online.html
الرب يسوع نسيناه وبعدنا عن وصاياه
حبينا عالم زايل ابليس بقى لينا اله
كنا زمان مسيحيين ويسوع ساكن تفكيرنا
اصبحنا ناس تانيين وبقينا عثرة لغيرنا
ماشيين وطريقنا ضلام شايلين ع الكتف الام
قدام اوثاننا بنسجد ومافيش فى القلب سلام
ابليس عمال يخدعنا وف فخه بيوقعنا
ابليس بيموت فينا وفاكرينه بيمتعنا
الناس كانت تعرفنا من اول مره تشوفنا
والدنيا كانت تشهد لإيماننا واعمالنا
وبقينا معروفين من اللبس وزينه جسديه
اموات بالروح عايشين فى جسد مليان بخطية
كنا بنسيب اموالنا وبنعطى للمحتاج
دلوقتى كتير مابينا مساكين مش لاقيه علاج
المال اتحكم فينا وف بحر الشر غرقنا
وتركنا الرب فادينا عن ملكوته اتفرقنا
قدام سيف السياف كنا بنشهد لفادينا
دلوقتى بقينا نخاف نظهر حتى اسامينا
كل حياتنا بتحير كل شويه بنتغير
حتى محبتنا ياربى بتموت وزمنها قصير
برفع فى صلاتى ايديا مع قلبى ليك وعنيا
قوم شعبك من موته فكرنا بالابدية
يإله الكون يارحوم رجعنا مسيحيين
خلينا تانى نقوم ونقول ليسوع راجعين
رجعنا مسحيين
0 التعليقات:
إرسال تعليق
سلام ونعمه